الصفحة الرئيسية › رياضة

رياضة بعد اختفائها في ايطاليا: رسالة من المصارعة التونسية شهد الجلجلي: من شهر ماي مَخِذيناش المنحة

توجهت المصارعة التونسية شهد الجلجلي برسالة للرأي العام بعد مغادرتها مقر اقامة بعثة المنتخب الوطني التونسي بايطاليا المشاركة في الألعاب المتوسطية تارنتو 2026.

وورد في رسالة شهد ما يلي:

السلام عليكم و رحمة الله و بركاته

انا المصارعة شهد الجلجلي انتمي الى المنتخب الوطني التونسي للمصارعة النسائية. بطلة تونس 7 مرات متحصلة على 3 ميدالية ذهبية صنف صغريات و 3 ميداليات برونزية صنف كبريات في البطولة الأفريقية. ذهبيتين مع فضية في بطولة العربية.

اول حاجة نحب نقدم اعتذار من عائلتي الي حيرتهم و تعبتهم معايا و خذيت قرار الهجرة بدون موافقتهم او حتى اعلامهم اما مكنش عندي حتى خيار ..

نحب نقلكم يا جماعة راتب رياضي النخبة التونسية اليوم قدره (250 دينار) و ناخذو كل 6 شهور (هذا كان خذيتهم..) نحب نقلكم الي منحة البطولة الأفريقية لسنة 2024 2026 لتوا ما خذيت منهم ولا مليم ...

و من شهر ماي مَخِذيناش المنحة (الشهرية) نحب نقلكم الي انا نترانا صباح و عشية بدون مكملات غذائية مع العلم الي انا اقل حاجة انقص 9kg في كل دورة دولية او خارجية.

نحب نقلكم انو المصارع التونسي اليوم طموحو الوحيد يسمع كلمت (راهم صبو ..) مع هذا تسمع كان الكلمة الخايبة.

قبل بطولة البحر الأبيض المتوسط قمنا بمعسكر في (kyrgystan) نترانا مع بنات صنف أصاغر عمرهم (14سنة و 15سنة) و انا ماشية نلعب في بطولة كبيرة مع ابطال عالم.. و مبعد يحوطو لوم الكل عليك كي متعملش نتيجة...

نحي الوضع الي قعدة تتعدى بيه البلاد في الوقت الحالي ... هذي وضعية تحبوني نقعد فيها...؟ لكن انا مازال عندي هدف و انشالله حلمي قدامي و بش نوصل وين نحب والحاجة الي تمنيتها.

بش يجي نهار و نرفع علم بلادي...

 و حسبي الله ونعم الوكيل في كل عبد قال كلام موش فيا .. و نحب نقدم رسالة اعتذار لمدربي محمد علي بوزيان".